‘¡Préstame pola vida!’ yá ye viral

|
Préstame pola vida

El cantar del VII Día de la Reciella, asoleyáu una selmana enantes de la xornada, convirtióse nun ésitu nos díes previes a la celebración y la so difusión nun apara de medrar. ‘¡Préstame pola vida!’, interpretáu pol dúu Muga y el Corín de Reciella, algama yá les 13.700 reproducciones en Facebook y les 3.000 en YouTube.

El “Préstame pola vida dicítelo n’asturianu / Voi garrate de la mano y falate a la oreyina” yá se siente de siguío en munches cases asturianes y nun termina de marchar de la cabeza de munches persones, asistieran al Día de la Reciella o non. La dulzura de la lletra d’Alicia Álvarez y del videu del tema al que ponen voz y música la propia cantante al traviés de Muga, el so dúu con David Guardado, y el Corín de Reciella ta conquistando les redes sociales.

Un repás a los datos de visualizaciones déxalo bien nidio. En Facebook yá se vio’l videoclip dirixíu por Pablo A. Quiroga, con post-producción dixital de Juan Tizón, casi 14.000 vegaes, compartiéndose en más de 600 ocasiones, mentes qu’en YouTube la cifra de reproducciones pasa de 3.000 y nun apara de xubir.

Contador Estadistiques