Presentóse l'Artnalón del 2.003

La conceyalia de cultura del Ayuntamientu de Llangréu presentó anteayeri les bases de la edición 2.003 d'ArtNalón, ún de los concursos que meyores premios reparte ente delles estayes de creación artística y de los que más xente mozo se presenta tolos años. Pa esta edición, ArtNalón presenta tres estayes, toes elles abiertes a xente de 36 años p'abaxo.Primero vien "Espresión Plástica", qu'estrema ente pintura, escultura y grabaos y pon de premiu l'alquisición de la obra por 1.500 euros. Depués vien "ArtNalón Curtiu" certame de cine qu'almite películes n'asturianu o castellanu d'hasta media hora de duración lo mesmo en formatu cine que de vídeo. Los premios equí son más llambiones, con1.500 € y estatuina pal ganador, un segundu premiu de 1.125 € y estatuina y un terceru de 750 € y estatuina. En teatru, ArtNalón Escena (Certame Nacional de Teatru Mozu) repite los premios del cine, y puen participar en certame compañíes non profesionales de teatru de mozos nacíos o que vivan n'España y que la edá media de los sos componentes nun pase de los 35 años, sacante l'equipu téunicu y la direición. La obra a representar tendrá de ser inédita o adautada, con una llargura mínima de 45 minutos, tema llibre y escrita n'asturianu o en castellanu. La riestra de concursos remata col ArtNalón de lletres, que premia trabayos curtios de tema llibre pero con con tope tres fueyes a doble espaciu. Equí va dase un premiu de 1.500 euros a cada meyor trabayu que se presente en castellanu o n'asturiano.