Preséntase'l documental sobre El Pozu'l Ramu

|
Cartelu de '50 años de Tito Bustillo. La memoria de la cueva La Cerezal'

Cúmplense cincuenta años del afayamientu de la cueva rioseyana qu'acueye importantes pintures rupestres del Paleolíticu.

Pablo Casanueva y Dolores Álvarez son los direutores de '50 años de Tito Bustillo. La memoria de la cueva La Cerezal', documental financiáu pola Conseyería d'Educación y Cultura qu'inclúi planos y imáxenes inédites d'esti espaciu que se bautizó col nome d'un de los sos descubridores, Tito Bustillo, fináu selmanes depués nun accidente de montaña, y de la so redolada. Vecinos, espertos y persones que participaron na espedición que permitieron el afayamientu de les pintures d'El Pozu'l Ramu describen na cinta l'enantes y el depués d'ún de los xacimientos paleolíticos más importantes del mundu.

La presentación del audiovisual, que cuenta con música de Jahzzar y Kai Engel, col llabor de José Manuel Rodríguez como documentalista y con Aram Avellaneda como responsable de soníu, va facese mañana a les 18 hores nel Centru d'Arte Rupestre Tito Bustillo, actu nel que ta confirmada l'asistencia d'Otilia Requejo, direutora xeneral de Patrimoniu Cultural. La entrada ye llibre hasta completar aforu.

Contador Estadistiques