Preséntase na Cervantes el númberu 5-6 de 'Campo de los Patos'

La revista asturiana de cultura lleva'l títulu de 'Poesía na gran guerra'.

La presentación va celebrase esta tarde, a les 19 hores, na Librería Cervantes d'Uviéu, actu que va contar cola presencia de Xuan Bello, Marina Pangua y Antón García. Saltadera ye la editora d'esta revista que cuenta nesti númberu colos artículos 'A un sieglu del aniciu del presente', de Faustino Zapico; 'Robert Graves, poeta mozu na Gran Guerra', de Xilberto Llano; 'Belicismu y pacifismu na poesía en llingua alemana', de Xabiero Cayarga; y 'Guillaume Apollinaire: poesía dende la trinchera', de Marina Pangua, toes ellos dientro del especial 'Poesía na gran guerra' a la que ta dedicáu esti 'Campo de los Patos'.

Participen nel restu d'esti númberu 5-6 de la espublización Xuan Bello, Marta López Fernández, Quique Faes, José Luis Rendueles, Gonzalo G. Barreñada, Pilar Arnaldo, Manuel García Menéndez, Pablo Antón Marín Estrada, Héctor Fernández, Javier Martínez Concheso, Taresa Fernández Lorences, Xuan Xosé Sánchez Vicente y José Ángel Gayo.

El preciu de la revista dirixida por Antón García ye de 25 euros.