Preséntase en La Pola Siero 'Little Babilonia' de Pablo X. Suárez

|
Cubierta de 'Little Babilonia' de Pablo X. Suárez

Esti poemariu resultó ganador del XXIII Premiu Xuan María Acebal, del 2017.

Saltadera encargóse de la edición de 'Little Babilonia', poemariu conformáu por 35 creaciones de construcción y temática variaes. Trátase de "una mirada crítica hacia lo cotidianu, siempre a partir de la tradición cultural d'occidente, pero ensin dexar de prestar atención a los márxenes, cerca de la contracultura", apunten dende la editorial.

El xuráu del gallardón añal qu'entrega la Conseyería d'Educación y Cultura destacó “el nivel llingüísticu y estilísticu, y la brillantez de les imáxenes d’un testu que xuega y entemez la tradición más clásica coles referencies más pop”. Agora, los llectores van poder disfrutar d'esti trabayu de Pablo X. Suárez, que presenta'l llibru esta tarde, a les 20 hores, nel Teatru-auditoriu de La Pola Siero, actu que va presentar el tamién poeta y críticu Miguel Allende.

Contador Estadistiques