Presentación n'Uviéu de "vía de serviciu"

La casa editorial Suburbia Ediciones va facer esti martes 30 d'Ochobre la presentación del so llanzamientu editorial "Vía de serviciu" que va facese a les 20:30 nel local la Casa Posafuelles d' Uviéu, contando cola participación de los escritores Pablo Texón y Xurde Fernández.


"Vía de serviciu" pretende ser una muestra canónica de la narrativa de la "tercer promoción" del Surdimientu, axuntando voces yá consagraes como Vanessa Gutiérrez, Pablo Texón Castañón, Pablo Rodríguez Medina, Quique Faes o Naciu Varillas con autores más nuevos, casu d'Ezequiel Cala, Carlos Pitcairn, Nicolás V. Bardio, Penélope Miranda o Xurde Fernández. El prólogu ye del escritor Jose Luís Piquero y nelli señala qu'esta muestra va "de lo fantástico a lo hiperrealista, del campu a la ciudá, de lo amable a lo decididamente grotesco, tolos estilos y temes tienen cabida nesti garrapiellu de relatos que representen a la promoción más nueva d'escritores asturianos".