Presentación del llibru 'La Xénesis de Míster Robó'

Esti xueves, 19 d'ochobre, a les 20:00 hores va presentase en La Pola (Siero) el llibru 'La Xénesis de Míster Robó', del que son autores José Antonio Hoyos Castañeda y Rubén Sánchez Antuña. 

La presentación tará a cargu de Sidoro Villa, y va ser na Sala del Audioriu de Siero.

Esti llibru, editau por Impronta, cuenta la historia d’un Quixote del sieglu XXI y de lo que fixo al sentir que taba marchitándose la so vida trabayando nuna gran ciudá. Como’l propiu protagonista diz: "Enantes competía pa ser el primeru, anguaño compito conmigo mesmu pa nun competir. Enantes el sueldu aspiraba a llegar a los cien mil euros anuales. Anguaño nun llega a los cien euros mensuales. Les cuentes tan perclares: soi mil veces más feliz". Esto ye, un llibru que fai reflexonar sobre qué ye la felicidá.

José Antonio Hoyos Castañeda (Burgos, 1973) ye inxenieru de telecomunicación y escritor. Un día tuvo claro que yera’l momentu de facer un puntu y aparte na so vida pa volver a nacer en Tanzania de la mano de la ONG Born to learn. Anguaño trabaya na Fundación Vicente Ferrer en Anantapur (India).

Rubén Sánchez Antuña (Sotrondio, 1973) ye inxenieru de telecomunicación, diplomáu n’economía y escritor. Tien publicaes les noveles "Dos estrelles nel firmamentu infinitu" (2005), "El murmuriu d’un mieu ensin nome" (2008), "La pantasma de los relós qu’atrasen" (2014), amás del ensayu "La metamorfosis de la caxa tonta" (2011) y ye coautor de "Dos visiones asturianes de les nueves tecnoloxíes" (2008).