Presentóse la imaxe corporativa de la TV autonómica

L'Ente Públicu de Comunicación del Principáu d'Asturies, titular de la radio, televisión y portal d'internet autonómicos, presentó ayeri la so imaxe corporativa, obra del diseñador d'orixe asturianu Fernando Gutiérrez, del estudiu británicu Pentagram.

L'emblema pol que va conocese a l'autonómica asturiana , que cuenta con delles variaciones p'adaptalu also usu nos estremaos medios y soportes del ente, consiste nuna lletra "a" minúscula fecha con cinco barres pintaes en tonalidaes azules y que puen movese y camudase pa qu'en cuenta de la "a" represente un númberu "6" que ye onde los responsables del ente cuenten con que van enxertar los televidentes la emisión de l'autonómica nos sos televisores. L'emblema pue convertise tamién nuna "e" n'alusión al nome de la comunidá n'asturianu "Asturies". José Ramón Pérez Ornia, responsable de la RTVAS, sorrayó que los colores y la forma del emblema "intenten espresar l'allegamientu y la identificación de los medios públicos autonómicos con Asturies".

Otramiente, el procesu de contratación de la plantiya de la TV sigue alantre a gran velocidá, y a día de güei yá terminaron los concursos a delles de les places que s'ufiertaben, ente elles 17 de les places de redactores y otres de técnicos medios d'antena y conteníos. Más información na web de la RTVAS