Preséntase'l cartel del III Día de la Reciella

El domingu 4 d'ochobre nel Muséu del Pueblu d’Asturies

Como tolos años l’oxetu d’esta xornada ye poder pasar un día completu en familia nun espaciu y nun contestu nel que la música, los talleres, les actividaes y hasta la comida seya n’asturianu. Nos próximos díes Reciella va dar conocer el programa d’actividaes, que dende la organización anuncien que yá ta zarráu.

Na organización d'esti añu collaboren 40 Primaveres, Asturies.com, Xunta pola Defensa de la Llingua Asturiana, Iniciativa pol Asturianu, Sestaferia Centru Social, La Gijonesa, Escuela de Música Tradicional La Quintana, RTPA, Ediciones Trabe, Impronta, EDITORIAL PINTAR-PINTAR, Asociación Cultural Esbilla y Dúu Mestura.

Como tolos años sofiten l'eventu Muséu del Pueblu d'Asturies / Museo del Pueblo de Asturias, Oficina de Normalización Llingüística de Xixón y Fundación Municipal de Cultura y Educación; y Caxa Rural d'Asturies.