Preséntase una síntesis de la historia d'Asturies

Los historiadores asturianos Adolfo Fernández Pérez y Florencio Friera son los autores y coordinadores del volume "Historia de Asturias" qu'asoleyó estos díes la editorial asturiana KRK. El llibru fai un recorríu dende les dómines de la prehistoria hasta l'actualidá.

Los conteníos de les sos más de 1.000 páxines organícense en cinco grandes estayes, la primera dedicada a la prehistoria y edá antigua cuerre a cargu del arqueólogu de la Conseyería de Cultura Jorge Camino, mientres que la segunda ye responsabilidá de Miguel Ángel Calleja. José Manuel Fernández encárgase de l'Asturies de la dómina moderna, siendo Marta Friera l'autora de la parte dedicada a la decadencia del antiguu réxime del señoríu y la entrada d'Asturies na economía lliberal y la industrialización, mientres que la parte final del llibru encárgase de la evolución asturiana nos sieglos XX y lo poco que se lleva d'esti XXI, afondando na historia más recién de l'autonomía política.

La obra, que se declara heriede del espíritu asturianista de Juan Uría Ríu, preséntase güei miércoles 28 d'avientu a les ocho de la tarde nel Centru Cultural Antiguu Institutu de Xixón.