Preséntase n’Uviéu ‘La cueva de la diosa’, d’Arturo Somoano

El Club de Prensa de La Nueva España acueye esti martes, a les 19 hores, la presentación de ‘La cueva de la diosa’, obra d’Arturo Somoano. Esti llibru inaugura la coleición nueva de narrativa de Suburbia Ediciones: ‘Quemando cromo’.

La coleición, que recibe esti nome por un rellatu de William Gibson, va axuntar obres de ficción nes que van afalase aquellos aficionaos “a la novela histórica, la ciencia ficción, el thriller y, en definitiva, lo que vien llamándose ‘novela de xéneru’”. La encargada d’abrir esta serie nueva de llibros de Suburbia Ediciones ye ‘La cueva de la diosa’, una novela ambientada nel sieglu VIII con una trama que xira alredor de Pelayu y les sos rellaciones colos clanes astures en víspores de la invasión musulmana.

El llibru de Somoano va presentase güei n’Uviéu (cai Calvo Sotelo, 7), a les 19 hores, nun actu nel que van tar presentes l’autor y Pablo Texón Castañón.