Preparaos, pero ensin trabayu y viviendo en casa de los padres

Ésa ye la radiografía de la mocedá asturiano según los datos del primer semestre del 2015 del 'Observatorio de Emancipación' del Consejo de la Juventud de España.

"La población moza d'Asturies, pese a tener un mayor nivel d'estudios que la media de comunidaes, presenta una fuerte esclusión del mercáu llaboral", señala esti informe, que rexistra al país como'l segundu territoriu estatal con peor tasa d'actividá ente menores de 30 años; unos datos qu'empeoren inclusive a los del 2014. A estos datos hai qu'añadir que la nuesa mocedá ta marcao por tener "una mayor sobrecualificación nos emplegos y temporalidá llaboral que na media de comunidaes".

Esta situación lleva a que namái dos de cada diez mozos y moces menores de 30 años vivan fuera del domiciliu familiar, pese a que'l costu de los alquileres ye menor que n'otros territorios. No que respeuta a la merca d'una vivienda, la posibilidaes son remotes, yá que seis de cada diez xóvenes recibe menos de 1.000 euros netos al mes y namái ún de cada diez supera los 1.840 euros n'ingresos.