Premiu pa Vicente García Oliva de la Comisión Católica pa la Infancia

L'escritor Vicente García oliva, conocíu poles sos obre lliteraries n'asturianu, recibió estos díes el premiu de la Comisión Católica pa la Infancia pola so novela en castellanu "Relato de las aventuras de Inés Saldaña y de cómo ayudó a Colón a descubrir américa".

Esta organización con sede en Xinebra, otorga tolos años esti premiu a la Novela Xuvenil que meyor defenda los Valores Humanos. Anque nun tien dotación económica, el premiu tien un gran prestixu nel ámbitu de la lliteratura xuvenil, lo que supón un reconocimientu importante pa Vicente García Oliva (1944) ún de los autores qu'entamaron a trabayar esti xéneru nos años del surdimientu con títulos como "Les aventures de Xicu y Ventolín" (1982) o "La bruxa Pumarina y el dragón Maragatu" (1983). Sicasí, García Oliva tampoco dexó de facer lliteratura p'adultos, rescamplando nesta estaya la novela "l'aire les castañes" trama policiaca inspirada nel asesinatu del popular "Rambal" nel xixón de los años 70