Premiu pa Química del Nalón

L'Institutu
de Fomentu Rexonal ta acabante de da-y el so premiu de Xestión
Mediuambiental a la empresa Química del Nalón pol
so proyectu de tecnoloxía llimpio pa fabricación de naftalina. La
empresa, propiedá del Grupu Orejas, ta especializada nel sector
carboquímicu, y el productu que más fabrica ye'l carbón de
coque pa fundición xunto con otres especialidaes como'l galipote o la
naftalina. La empresa tien reconocíes de los certificaos de
Xestión Ambiental d'AENOR, según la norma ISO 14001.

De cualquier manera, l'actividá de Química del
Nalón, que tien fábriques metíes en centros urbanos como
ye'l casu de la planta de coque de Ciañu, que xenera un trasiegu
constante de camiones cargaos de material, tamién dexa
contaminación y tien riesgos. L'añu pasáu hubo qu'escontaminar
el suelu de la so antigua fábrica en Mieres, y esti mesmu añu, el
Tribunal Superior de Xusticia d'Asturies reconoció comoenfermedá
llaboral el cáncanu d'un operariu de la empresa.