Premiu pa Norman Mailer

El xuráu del Premiu Príncipe d'Asturies de les lletres decidió esta mañana da-y el galardón del añu al escritor norteamericanu Norman Mailer, un de los mayores innovadores de la novela de la segunda metada del sieglu XX pol so estilu que mez la crónica periodística y el relatu autobiográficu a la manera de Capote o Bukowski, con noveles como Los exércitos de la nueche", en que relata la so esperiencia nes xornaes de protesta contra la guerra del Vietnam o "Los muertos y los desnudos" en que remembra'l so pasu pela II Guerra Mundial. Mailer ye una persona comprometida en política, llegando a presentase d'independiente a l'alcaldía de Nueva York en 1969. Sicasí, les sos concepciones sobre los xéneros valiéron-y tamién la crítica dende dellos colectivos feministes.Con esti, el Príncipe d'Asturies de les lletres lleva un par d'años premiando a escritores de referencia pa la izquierda, como pasó l'añu pasáu con Doris Lessing, mientres otres estayes d'estos premios foron abondo polémiques, casu del premiu al presidente brasileñu Fernando Henrique Cardoso