Premiu pa la tercer vía

El xuráu presidíu por Manuel Fraga ta acabante d'alxudicar el Premiu Príncipe d'Asturies de Ciencies Sociales del añu 2002 na persona del sociólogu inglés Anthony Giddens, al que muncha xente conocerá por ser ún de los autores de les teoríes polítiques en que se tien la nomada "tercer vía" del presidente inglés Tony Blair. Giddens (1938), llicenciáu en sicoloxía y socioloxía pola Universidá de Hull, lleva dende 1997 la prestixosa London School of Economics and Political Science, y ye autor de testos de gran espardimientu como "Socioloxía" "La tresformación de la intimidá" o'l famosu "La Tercer vía: la renovación de la democracia"Ye esti precisamente esti últimu llibru el que acabó por convertir a Giddens nun fenómenu social y políticu que trescendió les llendes de lo académico. Presentando la "tercer vía" como una revolución, Giddens dotó al nuevu llaborismu británicu de Tony Blair d'un completu aparatu ideolóxicu que lu validaba p'atacar los conceptos tradicionales del "estáu del bienestar". Nesti artículu tienes una interesante crítica a esti llibru