Premios del concursu de rellatos de Cangas

El primer Concursu de Relatos Curtios en Llingua Asturiana Ayuntamientu de Cangas del Narcea ya tien ganador. El xuráu apautose en da-y el primer premiu al escritor de Xixón José Luis Rendueles pola obra Branu enfermu. Rendueles (Xixón 1972) ya tien ganaos, ente otros, el Xuan María Acebal de poesía y el Asturies Xoven nes estayes de lírica y narrativa. Amás, tien espublizaos dos llibros de poesía en castellanu y un llibru de relatos. N'asturianu tien el volume Cuentos chinos y etien pa sacar un poemariu nuevu.

Otramiente, el segundu puestu foi pa La Velea, de Llucía Fernández Marqués (Xixón, 1974), quien yá tien espublizao llibros y rellatos curtios en revistes. El tercer puestu foi pa Remedios Menéndez
Calvo (1975) pol rellatu A la xente que nun deixou que murriera esta guapa fala. Ñacía en Madrid, Remedios ye fiya de cangueses y escritora ocasional que trabaya nel Departamentu de Derechu Priváu de la Universidá d'Alcalá

El premiu del Ayuntamientu repartió más de 1.000 euros en premios, con 600 euros pal ganador, 300 pal segundu y 180 pal tercer clasificáu. El xuráu presidíu pola Conceyala de Cultura, formáronlu mayestros d'asturianu de la zona.