PP-Foro tamién ganó nel votu esterior

Xuníos Podemos superó al PSOE.

Según datos confirmaos ayeri pol diariu '20 minutos', PP-Foro sumó un total de 1.747 votos, esto ye un 30,47 por cientu del total correspondiente al Censu Eleutoral de los Residentes Ausentes (CERA), esto ye, el votu esterior. La segunda formación con más sofitos foi Xuníos Podemos, con 1.486 (25,92 por cientu), superando asina al PSOE, qu'algamó 1.374 (23,96 por cientu). Ciudadanos, mentes, llegó a 721 (12,57 por cientu), siendo la primer fuercia de les que nun tienen representación por Asturies PACMA, con 104 (1,81 por cientu).

El votu esterior descendió enforma dende les eleiciones del 2011, cuando entró en vigor la reforma de la Llei Eleutoral. Ésta obliga a los residentes fuera del Estáu a rogar el votu, iniciando trámites en consulaos que desmotiven al ciudadanu.