Política Llingüística entama dos cursos específicos

El director de la oficina de Política Llingüística Ramón d'Andrés presentó ayeri la segunda edición del cursu d'asturianu pa periodistes nel so nivel básicu, que va celebrase ente'l 11 de payares y el 17 d'avientu. Un segundu cursu ayeri y que tien acutaes en calendariu les feches ente'l 25 de payares y el 15 d'avientu va tener por oxetivu formar a filólogos y persones interesaes en xeneral como encuestadores especializaos en dialectoloxía, toponimia y cultura popular.

Dambos cursos faense en collaboración col Seminariu de Llingua Asturiana y diríxelos el profesor Xulio Viejo. No tocante al cursu pa periodistes, neto que se ficiere l'añu pasáu, amás d'esti cursu d'aniciu Política llingüística y la Universidá d'Uviéu tienen revisto facer un segundu cursu d'afondamientu y especialización en situaciones comunicatives n'asturianu que va tener llugar yá pa los primeros meses del 2006. Por de pronto, el plazu d'inscripción pa estos dos cursos ta abiertu hasta'l 25 d'ochobre nel cursu pa encuestadores y hasta'l 11 de payares nel cursu pa periodistes.