Polémica pola comisión que va cambiar los nomes de les cais n'Uviéu

El filósofu y profesor eméritu de la Universidá d'Uviéu, Gustavo Bueno, calificó ayeri al Grupu Municipal Socialista del conceyu de la capital asturiana de "autista cerril" tres de la quexa de los socialistes uvieinos al alcalde, el popular Gabino de Lorenzo, por crear una comisión pa cambiar el nome de les cais con denominaciones franquistes.

La comisión ígüenla, amás del filósofu Gustavo Bueno, la escritora Susana Pérez-Alonso, Carmen Ruiz Tielve, cronista oficial d'Uviéu, el periodista Luis José Ávila, el notariu José Antonio Caicoya, y la caderalga de Filoloxía de la Universidá d'Uviéu, Josefina Martínez.

Nomes a los que l'alcade, Gabino de Lorenzo amestó los de Javier Fernández Conde, caderalgu d'Historia Medieval, Ernesto Conde, estudiosu sobre la historia de la ciudá, José María Laso Prieto, históricu militante comunista, y José Girón Garrote, profesor d'historia contemporánea.