Pola niega que Saint-Gobain vaya pesllar n'Asturies

|
Isaac Pola 50 aniversariu de Seresco

La denuncia pública fecha pola Corriente Sindical d’Izquierda (CSI) de que la direición de Saint-Gobain decidiera pesllar la planta d’Avilés nel trimestre caberu del añu foi censurada por Isaac Pola. El conseyeru d’Emplegu, Industria y Turismu negó que vaya producise esi movimientu de la empresa pa llevar la producción a Marruecos.

“Esta mesma mañana tornamos a tener una conversación cola representación de la empresa, que naturalmente nos dixo que nada d’eso” yera cierto, aseguró Pola, que calcó nel fechu de que ta en constante comunicación con Saint-Gobain y los representantes de los trabayadores sobra situación na que ta la negociación del conveniu. Tamién negó “de manera categórica”, como denunciara’l sindicatu, de que conseyería fora avisada díes enantes de les eleiciones de que tenía decidío pesllar la planta avilesina esti añu.

CSI, mentes, manexa una información pola que’l zarru será una realidá, cola pretensión de llevar la producción d’Avilés a Marruecos. Lo que ye cierto ye la situación del mercáu de l’automoción n’Europa, nun retrocesu nidiu, lo que pon en peligru puestos de trabayu al traviés d’axustes nel emplegu.

Na semeya, Pola esta mañana na so intervención nel cincuentenu aniversariu de Seresco.

Contador Estadistiques