Poetes y artistes xúnense en defensa de les persones refuxaes

|

Uviéu y Xixón acueyen los actos n'Asturies d'una iniciativa solidaria que se celebra en delles ciudaes de tol continente.

Llectura de poemes y actuaciones teatrales y musicales van celebrase a les 19 hores d'esta tarde nel uvieín Parque del Truébano y na xixonesa Plaza'l Marqués, onde va lleese un manifiestu tantu en castellanu como n'asturianu. Ésti lleva'l nome de 'Acoyida sí, guerra no' y nél señálase que "nun queremos una Europa que zarra los sos güeyos y les sos llendes al dolor de los pueblos. Toos merecemos vivir con dignidá y en paz. Tamos fartos y fartes d'esperar y de qu'esperen".

Asina, reclamen a los gobiernos el cumplimientu de los sos compromisos d'acoyida pa coles persones refuxaes "y que'l 30 de setiembre d'esti añu, 120.759 persones tengan los sos papeles en regla y la posibilidá d'una vida nueva a salvo y ente nós". Les convocatories d'esta iniciativa fáense ensin sigles, yá que ye un actu ensin color políticu, espliquen los sos organizadores.

Contador Estadistiques