Podemos y Equo refuguen la propuesta d'Izquierda Xunida

Nun habrá una gran coalición de la izquierda n'Asturies. Podemos y Equo nun ven con bonos güeyos la propuesta d'Izquierda Xunida (IX) pa gobernar Asturies y conceyos importantes.

Pese a que tovía nun conocen con detalle la iniciativa anunciada'l miércoles por Manuel González Orviz, coordinadora xeneral d'IX, dambes formaciones nun amuesen interés n'axuntase n'Asturies pa tratar d'algamar el gobiernu n'Asturies y en Xixón, asina como n'otros conceyos. Podemos considera que'l cambiu ha de dir más allá de la izquierda o d'un repartu de despachos, mentes que los ecoloxistes apuesten por una candidatura abierta a la ciudadanía, non por una coalición de partíos.