Podemos esixe la xustificación del gastu de 134 millones d'euros de deuda pública

|
Enrique López Hernández

Rexistró una denuncia énte la Fiscalía del Tribunal de Cuentes pa la so investigación.

En concreto, Podemos Asturies refierse a 134.555.000 euros de deuda pública entregaos a Asturies pol Institutu de Creitu Oficial con cargu al Fondo de Facilidá Financiera de les Comunidaes Autónomes. Según espliquen dende la formación morada, nel so informe de fiscalización del añu 2015, la Sindicatura de Cuentes diz desconocer los gastos concretos a los que se destinaron esos más de 134 millones d'euros por nun ser aportaes les factures correspondientes.

Pal diputáu Enrique López Hernández, ye “inauditu que la Conseyería de Facienda y Sector Públicu nun facilitase detalle de les factures u obligaciones financiaes con estos fondos”, y considera que “la falta de collaboración del Gobiernu del Principáu d'Asturies cola Sindicatura de Cuentes ye inalmitible". “A un par de díes de la sentencia del casu Marea, nun ye aceptable que'l Gobierno xuegue a nun dar xustificantes de tales gastos. Javier Fernández pue desoyir les propuestes de Podemos, pero nun ye tolerable que nun tome a la sindicatura en serio”, finó.

 

Contador Estadistiques