Podemos busca l'apoyu de la Xunta Xeneral al pueblu palestín

Va llevar a Plenu una proposición non de llei pa instar al Gobiernu estatal a que mire pol cumplimientu de los derechos humanos nos territorios ocupaos por Israel.

“Lo que pretendemos ye qu'esixa a los órganos internacionales el respetu a los derechos humanos y el fin del apartheid y del xenocidiu del pueblu palestín”, esplicó esta mañana'l diputáu Enrique López Hernández. D'igual forma, demándase'l cumplimientu de les resoluciones del Conseyu de Seguridá de la Organización de Naciones Xuníes (ONX) qu'obliguen a Israel a retirase de Gaza, Cisxordania y Xerusalén Oriental, retornando a les fronteres anteriores a la Guerra de los Seis Díes (1967), asina como favorecer el retornu de los refuxaos palestinos.

Podemos Asturies demanda al Gobierno estatal un apueste decidíu por una verdadera solución política del conflictu en Palestina y que puxe por una salida "sobre la base del diálogu, la negociación y la esistencia de dos Estaos con iguales derechos y fronteres llendaes y reconocíes internacionalmente".

Al igual que col Saḥara Occidental

López Hernández considera que'l Parllamentu asturianu “tien que se posicionar na defensa de los derechos humanos, apostando por que l'Estáu active una aición política que contribuya de forma decidida a consolidar el respetu a los derechos humanos y evitar la masacre que se ta cometiendo col pueblo palestín”. Nesi sen, el diputáu recordó l'apoyó amosáu pola Xunta Xeneral a les "reivindicaciones de soberanía pal pueblu saḥaraui. Lo mesmo ye lo que demandamos pa Palestina a la hora de presentar esta proposición non de llei".