Plan de reforestación pa Ibias

El Gobiernu asturianu y el Conceyu d'Ibias van echar a andar un plan pa torgar la erosión y desertización nesti conceyu del occidente asturianu, un de los más afectaos polos incendios, que dende los años 80 y 90 foron dexando'l tarrén ensin cubierta vexetal, lo yá tien ocasionao argayos bien peligrosos. Yá l'añu pasáu, un estudiu de la Universidá d'Uviéu alvertía del peligru rial de desertización del occidente asturianu, un peligru qu'agora va tentar de conxurase mediante una inversión de cerca de un millón y mediu d'euros cola que tendrán de reforestase 328 hectaries de tarrén.