Pingarates

El sábadu 9 nel "Club Juvenil la Villa " de
Llangréu, va haber conciertu de sofitu al FUSOA, (Fondu Unitariu de
Solidariedá Obrera d'Asturies); la causa ye dar ayuda económica
pa les movilizaciones previstes durante la presencia del Ecofin n'asturies,
concretamente n'Uviéu. Los grupos que van actuar son, Escuela de Odio,
Intolerance, Oi! N'ast,
The Lirium y n.s.m.. La hora d'entamu ye les 8 la tarde y el preciu
namás de 3 €. Pues mercar les entraes anticipaes nos bares Xarana y
Baruku de Xixón y Badulaque de la Felguera.

El grupu de Ribesella Corquiéu anuncianos que ta acabantes
d'estrenar web, podréis encontrar
semeyes del grupu, lletres de los sos cantares, hestoria, cantares en formatu
mp3...etc, dende equí afalamoste a visitala.

Fai poco vos comentamos que los grupos asturianos nun tienen costumbre
de facer discos en direutu, pero si hai pequeñes muestres, como una
grabación de "La Danza" de Dixebra nel conciertu que dieron
nel Teatru Campoamor, con motivu del día de les lletres del 2001. Esti
cantar pues sentilo, amas d'otros, nesta dirección.

Pa finar, otru conciertu de bandurria, esta vegada nel Casinu
D'Avilés a les ocho la tarde el próximu vienres 8 de marzu, Daniel Garcia de la Cuesta
interpretará romances, cantares, y dances con esti instrumentu
tradicional asturianu.