Piloña va regalar un llibru n'asturianu a tolos recién nacíos

‘El llibru del naciatu’ va ser el regalu que recibirán tolos neños y neñes que nazan nel ambulatoriu de L’Infiestu. Esta publicación va presentase’l llunes coincidiendo col Día de la Llingua Materna.
 
Nesti álbum, los pas van poder apuntar “la evolución de los rapacinos dende les ecografíes, les primeres semeyes, la güelga, les vacunes, les ñavidaes y les primeres vacaciones hasta los 3 años”, apunten dende’l Serviciu de Normalización Llingüística de Piloña. Ensin dulda, un bon recuerdu pa cuando sían mayores, yá que ‘El llibru del naciatu’ ta presentáu nun formatu “guapu y vistosu”. El Serviciu de Pediatría del ambulatriu de L’Infiestu va encargase d’entregalu a los pas.
 
Ésta ye la primer campaña del Serviciu de Normalización Llingüística del conceyu piloñés, que tamién ta trabayando en proyeutos futuros. La presentación de ‘El llibru del naciatu’ va celebrase a les 11 hores nel salón d’actos de la Casa la Cultura de L’Infiestu y va contar cola presencia del alcalde, Camilo Montes Díaz, y de la responsable del Serviciu de Normalización Llingüística, Paula Cristóbal Caso.