Pilar Sánchez Vicente rescata l'alcordanza de Gontrodo Petri

Pilar Sánchez Vicente, cuatro años dempués del éxitu de la so primer obra "Comadres" presenta una novela histórica sobre Gontrodo Petri, madre de la reina Urraca l'Asturiana y una influyente muyer asturiana del sieglu XII.

"Gontrodo, hija de la Luna" ye'l títulu d'esta novela escrita en castellanu qu'asoleyó esti mes KRK ediciones. El títulu fai referencia al albinismu que sufría Gontrodo Petri, natural de Pel.luno (Ayer) y qu'allá pel sieglu XII foi una de les persones más influyentes nos círculos de poder de la corte y na mesma Asturies, fundando obres como'l monesteriu de Sana María de la Vega, onde s'asitia anguaño la Fábrica d'Armes d'Uviéu. L'acción desenrróllase n'Asturies del sieglu XII, amestando realidá y ficción, anque'l personaxe de Gontrodo foi real. De fechu, el sepulcru en que la enterraron guárdase nel Muséu Arqueolóxicu d'Asturies. Gontrodo foi madre de la Reina Urraca l'Asturiana, fía d'ella y dl Rei Alfonso VII y que gobernó Asturies naquella mesma centuria de manera cuasimente plenipotenciaria, intentando independizase de la corona de Castiella ensin conseguilo. La idega pa escribir esta novela viéno-y a l'autora yá cuando estudiaba na facultá d'historia nos años 80.