Piernavieja (Podemos) y el conseyeru Alonso usen l'asturianu na Xunta

17 Febreru, 2016 por Redacción

Inicie sesión o rexístrese pa espublizar comentarios

"L'asturianu tien que poder estudiase en toles etapes educatives"

Güei entrugue-y al conseyeru de educación pola situación de la docencia de la llingua asturiana nos colexos públicos Llerón Clarín y Anicetu Sela de Mieres.Sirva esta entruga y la so contestación p'amosar a determinaos grupos d'esta cámara que nun puen votar escontra la llibertá de falar asturianu.La declaración universal de los drechos humanos recueye los drechos llingüísticos, yá abondo frayaos n’Asturies cola comunidá asturfalante. Esta cámara va usar l'asturianu porque ye un drechu de quien tamos equí y de miles de persones fora. Namás los retrógrados puen votar escontra los drechos humanos.Garramos el compromisu del conseyeru de modificar el curriculu a la mayor brevedá pa que los escolinos tengan el so drechu a estudiar llingua asturiana

Posted by Héctor Piernavieja Cachero on Tuesday, February 16, 2016

El conseyeru d'Educación y Cultura confirmó al diputáu Héctor Piernavieja que'l gobiernu asturianu va modificar el curriculum del segundi ciclu d'Infantil pa¡'asegurar l'enseñu del asturinu n'esta etapa educativa. Afirmó tamién que los escolinos de los colexos mierense Llerón Clarín y Anicetu Sela tendrán 3 hores d'asturianu.

Ésta ye la solución plantegada por ser l'únicu tiempu del que dispón la maestra de Llingua Asturiana, contratada a mediu xornada. Los padres d'estos centros denunciaran la situación depués de que los neños y neñes d'Infantil quedaran esti cursu ensin clase d'asturianu por falta de tiempu de la profesora.

Hai que recordar que la materia de Llingua Asturiana y Gallego-asturiano nun ta incluyuda nel currículum d'Infantil, polo que nun se suel impartir nos centros educativos asturianos pese a ser esta etapa de vital importancia nel desarrollu de los neños y neñes. Esta situación cambiará próximamente, según confirmó Genaro Alonso. Trátase d'un de les midíes qu'inclúi'l Plan de Dignificación de la Llingua Asturiana aprobáu por FSA-PSOE, Podemos, IX y Foro.

El diputáu de Podemos aprovechó la so intervención pa comentar que "sirva esta entruga y la so contestación p'amosar a determinaos grupos d'esta cámara que nun puen votar escontra la llibertá de falar asturianu. La Declaración Universal de los Drechos Humanos recueye los drechos llingüísticos, yá abondo frayaos n’Asturies cola comunidá asturfalante. Esta cámara va usar l'asturianu porque ye un drechu de quien tamos equí y de miles de persones fora. Namás los retrógrados puen votar escontra los drechos humanos".