Piden que l'Ayuntamientu d'Uviéu nun pueda regalar entraes pa los toros

L'Asamblea de Ciudadanos pola Izquierda, formación que se presenta a les elecciones al Ayuntamientu d'Uviéu encabezada pol actual conceyal d'IX Roberto Sánchez Ramos, pidió-y a la Xunta Electoral que-y prohíba al Conceyu d'Uviéu que proceda al repartu de baldre de de 2.715 entraes pa la corrida de toros que va facese na capital el 19 de mayu coincidiendo coles fiestes de l'Ascensión. Acordies con ACI, les entraes, cerca de 2.700, van suponer un "regalu masivu" que pue tener una "influyencia nos electores" y polo tanto "alteriar el resultáu electoral".

Coincidiendo tamién col acontecimientu taurinu, l'asociación de dfensa de los animales ANADEL convoca una manifestación antitaurina que va celebrase a les 5 de la tarde nel Paséu los Álamos d'Uviéu.