Piden la retirada de la llei de la costa

Técnicos de la Dirección
Xeneral de Costes del Ministeriu de Mediu Ambiente y de Greenpeace y
WWF/Adena, aconceyaron ayeri en Madrid, onde dambes organizaciones pidiéron-y al Ministeriu que retire dafechu'l proyectu de reforma de la LLei de Costa.

Les organizaciones ecoloxistes refuguen los argumentos de los técnicos ministeriales,
que caltienen que los cambeos na llei empobínense a meyorar la
Llei de Costes qu'hai agora. Dende Greenpeace y Adena dicen que la llei nueva va dar facilidaes pa que se construya y edifique en primer llinia de costa, arriendes d'enllenar de turistes partes qu'hasta agora taben a salvu de la mano humana con paseos y parques enfrente la mar. Según Rita
Rodríguez de WWF/Adena “Nun se fala en nengún artículu (de la llei) de la protección del dominiu públicu
marítimu-terrestre, de la defensa de la so integridá, de caltener les sos característiques y elementos naturales o de poner la prevencion que se precisa contra obres y instalaciones, úniques
competencies que-y pertenecen a l'Alministración". Pela so parte María José Caballero, portavoz de Greenpeace, diz que

“Nun pede decise que van da-y más protección a la costa cuando lo que tan afalando ye que se manguen paseos marítimos en primer llínia de playa ensin
control dengún” Otramiente, los ecoloxistes denuncien que la llei va romper la coordinación coles Comunidaes
Autónomes, plantegando problemes de competencies ente estes y l'estau.

N'Asturies, dende l'aprobación del Plan d'Ordenación de la Costa esti mesmu añu, empobínense actuaciones semeyaes a les que critica Greenpeace y que tamién ven mal los grupos ecoloxistes asturianos, contándose con que se dean de pasu d'un total de 24 parques-playa que van ocupar el 10% de la costa asturiana. ün d'ellos, el de la playa de Moniello, cerca'l Cabu Peñes, ta acabante d'aprobase xusto güei