Piden cambeos na llei d'usu

El Grupu Parllamentariu d'Izquierda Xunida na Xunta Xeneral del Principaú presenta güei una propsición pa mete-y cambeos a la Llei d'Usu del Asturianu. Esta llei llámase oficialmente "Llei d'usu del bable/asturianu" una denominación que nun ye precisamente la más apropiada. La propuesta d'IX, que sedrá de lo primero que se fale nel plenu qu'estrena esta tarde'l cursu políticu na Xunta, pide dos cambeos na redacción del articuláu de la llei, que pasaría a ser "Llei d'usu y promoción de la llingua asturiana" desaniciando toles referencies que falen de "bable/asturianu". Otramiente, la proposición de llei d'IU pide que se ponga la llingua asturiana como "llingua propia d'Asturies" en cuenta de "llingua tradicional" que ye como ta agora.