Pidal Montes presenta'l so últimu llibru en Bimenes

|
Cartel de la presentación de La vida esplicada.

Ye la so primer obra en prosa

La Casa Cultura de Santuyano (Bimenes) acueye esti vienres 18 de marzu la presentación del llibru La vida esplicada, del autor yerbatu Xosé I. Pidal Montes. Xunto al autor van intervenir Marino Córdoba y Toño Martínez, editores de La Semeya, qu'asoleyó'l llibru a fines de l'añu pasáu.

Pidal Montes debuta nel xéneru de la narrativa con una obra rompedora na que'l so argumentu ye la propia novela, "buscando que quien llea esta vida esplicada caleye pela sienda que s’abre ente la niebla de la lleenda y la realidá". L'actividá ta entamada pol Conceyu Bimenes, en collaboración cola editorial La Semeya.

Contador Estadistiques