Personal de la Fundación Oso Pardo atopa a una osa fería de gravedá

Un fema d’osu pardu fería de gravedá ta siendo atendida nun centru veterinariu d’Uviéu. Personal de la Fundación Oso Pardo atopó al exemplar, de dos años y 30 quilos de pesu, en Ḷḷaron nun estáu preocupante.
 
La osa presentaba una fería abierta grande na cadera producida por un traumatismu accidental o un ataque animal, según les hipótesis primeres. El personal de Fundación Oso, tres dar col animal, dio anuncia a la Conseyería de Mediu Ambiente, Ordenación del Territoriu y Infraestructures, que punxo en marcha un dispositivu de forma rápida pa tratar de salvar la vida a esti animal en peligru de desanición.
 
Tres una evaluación primera y inmovilización, l’equipu d’espertos qu’acudió a Cangas del Narcea determinó’l treslláu del animal feríu a una clínica veterinaria en n’Uviéu –la mesma a la que se llevó a la osa Villarina–, onde efectuáronse les cures primeres. L’estáu de la osa desaconseyó’l treslláu inicial al Centru de Recuperación de la Fauna, asitiáu en  Sobrescobio, y s’optó por atender al animal nun centru más cercanu.