Páxara de Chechu Rubiera

Tarde terrible ayeri na Vuelta a España pa los más de los ciclistes asturianos, que nun pasaron la preba de la montaña andaluza nuna etapa de calor. Chechu Rubiera enterró ayer casi toles opciones de metese ente los primeros de la carrera por culpa d'una páxara monumental. El de Baldornón veíase feble yá de la qu'entamó la Vuelta, pero nun contaba col trallazu que-y dio subiendo Sierra Nevada, que lu descolgó hasta una distancia de 13 minutos col ganador de la carrera. Peor foi la cosa pa Bejamín Noval. L'asturianu del Relax-Fuenlabrada cayó de la bicicleta y tuvo que retirase de la Vuelta con triple fractura nel déu gordu de la man izquierda y quemadures per tol cuerpu.Del parte de daños namás escapa Ricardo Valdés. L'asturianu del Jazztel-Costa Almería aguantó'l tipu en casa de los sos patrocinadores, llegando ayeri a 2,25 del ganador de la etapa, l'italianu Guido Trentin, y va'l 102 na xeneral.

Contador Estadistiques