Paul Verhoeven, nes estrenes de la selmana

Esta selmana llega a les carteleres d'Asturies la última
película del director holandés
Paul Verhoeven entitulada
"El libro
negro". Verhoeven narra la historia d'una moza xudía holandesa
que depués de qu'asesinaren los nazis a la so familia xúnese a la
resistencia que llucha contra la ocupación del so país. La so
misión va ser infiltrase nel cuartel xeneral nazi, seduciendo a un altu
oficial alemán pa algamar información y poder lliberar a un grupu
de combatientes prisioneros de los alemanes.

Otra de les estrenes ye la película
"En
busca de la felicidad" protagonizada pol actor norteamericanu Will
Smith qu'interpreta a Chris Gardner, pá de familia que llucha por
sobrevivir y sacar alantre a la so familia, anque bien llueu abandónalu
la so muyer y tien que convertise en padre solteru, viviendo col so fiu
prácticamente na miseria. Mas información y estrenes na nuesa
cartelera.