"Patria sin sol" de Stoned Atmosphere n'Asturies.com TV

Asturies.com TV ufierta güei la posibilidá de ver el
primer videu del grupu de hip-hop de la Cuenca'l Nalón "Stoned
Atmosphere", basáu nel tema más conocíu del grupu,
"Patria Sin Sol"



Gonzaga H.G. Antuña ye'l responsable de la creación
viedográfica pal grupu d'Arma X y Ceeris, en collaboración con
Producciones Potenkim y la discográfica de
Stoned Three points records. El
videu grabóse en delles localizaciones de la cuenca'l Nalón,
buscando que les imáxenes valieren d'encontu a la lletra d'un tema que
radiografía l'Asturies post-industrial. Pa ver el videu namás
qu'hai qu'entrar n'Asturies.com TV calcando nesti enllace.



El videu vien tamién a sofitar la carrera discográfica de
"Issue 4", el primer discu comercial del grupu, que punxere los otros
trés trabayos que ficiere enantes a descargar de baldre na rede,
consiguiendo batir récords de popularidá. El grupu ta llevando
esti Issue 4 a los escenarios, como por exemplu'l próximu trés
d'avientu en Xixón onde van actuar xunta los l.lenenses LOR nel Parque
del Piles.