PAS-URAS va poner de preciu l’alcaldía pa pautar en Villaviciosa

El candidatu pola coalición URAS-PAS a l'alcadía de Villaviciosa, Manuel Busto, punxo de condición a cualquier pautu con PSOE y PP la titularidá de l'alcaldía del conceyu. PAS-URAS llogró en Villaviciosa ún de los sos meyores resultaos n'Asturies, algamando trés conceyales que la convierten en llave pa cualquier posible alianza col PP d'Asensio Covián, que foi la fuerza más votada pero perdió la mayoría absoluta al quedar con 7 conceyales, o col PSOE, segunda fuerza del conceyu con otros 7 escaños na casa conceyu.

Manuel Busto fuera vicealcalde hasta l'añu 2003 col PP, pero a últimos del 2006, dempués d'enfrentase cola directiva del partíu, pasóse a les listes d'URAS-PAS, sustituyendo como númberu ún de la coalición a Xicu Xabel Díaz Yepes, históricu militante asturianista que pasó a ocupar la segunda plaza na candidatura por Maliayo y qu'agora xunto con Rogelio Estrada ye ún de los trés conceyales de la coalición nesti ayuntamientu nel que Cobian llevaba hasta agora llogrando una mayoría absoluta tres d'otra.