Pan pa pasar les lletres

Dende va unos años, l'asociación "El Ronchel" de Villaviciosa vien faciendo, con motivu del Día de les Lletres Asturianes, un repartu de lletres de pan envueltes nun papel con un testu n'asturianu ente la población del conceyu. Esti añu, dende la Mancomunidá de la Sidra, y gracies al sofitu de la Conseyería de Cultura Comunicación Social y Turismu la iniciativa va espardese a tola Comarca, faciendo'l repartu de 4000 d'estes lletres ente chigres, escueles, cases de conceyu y otres entidaes que tean interesaes en participar.

El repartu faise güei vienres día 4 a lo llargo de tol día nos seis conceyos que componen la Comarca de la Sidra, Bimenes, Cabranes, Colunga, Nava, Sariegu y Villaviciosa. Como complementu, a les 11, va facese un actu simbólicu d'entrega d'estes "lletres asturianes" a los alcaldes y autoridaes de la Mancomunidá Comarca de la Sidra nos locales d'esta en Paraes, Nava.

El pan ye tamién l'elementu col que L.lena y Siero celebren esti día, entregándose pan envuelto con testos n'asturianu dientro de la iniciativa "pan con bona lletra".