El Bloque por Asturies y Unidá Nacionalista Asturiana van presentar mañana n’Uviéu a Rafael Palacios como candidatu de la coalición a les eleiciones del 22 de mayu. Nel actu tamién van participar Yolanda González Huergo y Roberto Colunga.
 
Anque dende la noticia del alcuerdu ente BA y UNA pa dir xuntos a los comicios yá se conocía que Palacios, voceru nacional del Bloque, diba a ser el candidatu de la coalición a la presidencia d’Asturies, dambos partíos van facer oficial la designación mañana nuna rueda de prensa que va tener llugar a les 11 hores nel Hotel NH d’Uviéu. Xunto con Palacios van participar Yolanda González Huergo, vocera de la coalición eleutoral y númberu dos de la candidatura pola circunscripción central, y Roberto Colunga, diputáu del Bloque na Xunta Xeneral.
 
Al actu de presentación van asistir dellos cargos públicos de les dos formaciones y “una representación de les personas independientes de la izquierda, l’asturianismu, l’ecoloxismu y los movimientos sociales qu’apoyen la coalición eleutoral”, aseguren dende BA-UNA.