Palabres Clares, antoloxía de la meyor poesía moderno n'asturianu

Palabres Clares ye l'antoloxía en tapa duro de la meyor poesía asturiano del últimu cuartu de sieglu esbillada pr José Luis García Martín.

El poeta y críticu José Luis García Martín, referencia imprescindible na poesía española contemporánea y director de la revista Clarín, ye'l responsable de l'antoloxía "Palabres clares (Un cuartu de sieglu de poesía asturiana, 1980-2005)" qu'edita la casaTrabe. Peles sos 325 páxinas desfilen 24 poetes, homes y muyeres d'edaes que van dende los 45 de la decana Taresa Lorences (1955) a los menos de 30 d'Ana Vanessa Gutiérrez (1980). Ente los nomes qu'aaecen pela antoloxía hai nomes yá conocíos, como Xuan Bello, Berta Piñán, Esther Prieto, Lourdes Álvarez, Miguel Rojo, Aurelio González Ovies, Pablo Antón Marín Estrada o Martín López-Vega xunta otros menos conocíos como autores d versu como Ánxel Álvarez Llano, Xandru Fernández, Pablo Rodríguez Medina, Xabiero Cayarga, Marta Mori o Elías Veiga ente otros.

L'antoloxía estrémase en trés separtaos: "Poetes de los ochenta", "Poetes de los noventa" y "Los nomes nuevos" amestándose ún apéndiz que baxo'l nome "Otres voces, otros ámbitos" incluye versiones n'asturianu de poetes universales de tolos tiempos y cultures, como Safo, Li Po, Shakespeare, Pessoa, Walt Whitman, Silvia Plath o Seamus Heaney.

La obra va presentase esti vienres día 2 d'avientu nel Club Prensa Asturiana de la Cai Calvo Sotelo d'Uviéu.