Paco Álvarez lleva'l concursu de rellatos góticos de Coya

|
Francisco 'Paco' Álvarez

Entamáu pol coleutivu Ágora y l'Asociación Roblón de Coya, taba abiertu a obres n'asturianu, gallego-asturiano o castellanu.

El periodista y escritor xixonés Francisco 'Paco' Álvarez nun apara de ganar concursos lliterarios. L'últimu ye'l de rellatos góticos que s'entamaba na población piloñesa de Coya por mor de les xornaes culturales sobre misteriu que comiencen güei y van allargase tamién mañana.

El trabayu vencedor, que lleva una recompensa de 150 euros, ye 'El camín d'Ethelstone'. El xuráu, conformáu por Vicente García Oliva, Francisco Priegue y Inaciu Galán, destacó la calidá de los rellatos presentaos, que van formar parte d'un llibru, asina como l'alta participación.

Álvarez va recoyer el premiu mañana en Coya, al rodiu de les 13.15 hores, nun actu encuadráu nestes xornaes.

Contador Estadistiques