Paca y Tola van volver a casa

La Viceconseyera de Mediu Ambiente y Ordenación del Territoriu, Belén Fernández y el Director Xeneral de Recursos Naturales y Protección Ambiental, Cristino Ruano, van dir a ver mañana miércoles a les oses Paca y Tola, que lleven yá más d'un mes d'exiliu nel Parque de Cabárceno, en Cantabria, onde les llevaron mientres s'arreparaba'l cierre de la faza onde viven en Poaza. Los representantes de la Conseyería dicen qu'ellí van facese los primeros trámites pa la operación de vuelta de los dos exemplares a Proaza onde llevaben desque llegaren procedentes de L.leitariegos en 1989. Al poco de ñacer, un zazador mató a la madre d'estes dos hermanes, que dempués de dellos destinos lleven dende 1996 en Proaza