Paca y Tola puen volver pa mediaos de mayu

La Viceconseyera de Mediu Ambiente Belén Fernández dio anuncia tres de la visita que fizo ayeri a les oses Paca y Tola en Cabárceno que la selmana qu'entra van entamar los trabayos pa devolveles a Asturies. El treslláu de les oses, que tan provisionalmente en zoo de Cabárceno mientres s'igüen les averíes n'alambrada que pieslla la finca de 5 hectaries en que viven en Proaza podría facese a mediaos del mes de mayu, anque la viceconseyera nun quixo dar feches fixes porque la idea ye la de poder llevales de vuelta p'Asturies ensin falta d'anestesiales. Los representantes del Gobiernu asturianu y de la fundación osu que se treslladaron hasta Cabárceno comprobaron el bon estáu de salú de les oses y agradecieron el llabor de los profesionales que tan mirando por elles.