Pablo X. Suárez gana’l X Concursu Conceyu Llaviana

|

‘El bichu grande’, de Pablo X. Suárez, foi la obra ganadora del X Concursu de Narraciones Curties Conceyu Llaviana. Pablo Rodríguez Medina y David Fernández Fernández algamaron el segundu y tercer premiu, de forma respeutiva.
 
Los trabayos ganadores diéronse a conocer ayeri nun actu presentáu pol músicu Tante Blanco que taba enmarcáu dientro del VI Festival de la Sidra de Llaviana. L’escritor de Samartín d’Anes, Pablo X. Suárez, llevóse’l primer premiu de 400 euros por ‘El bichu grande’, mentes que Pablo Rodríguez Medina consiguió los 200 euros del segundu premiu con ‘La vuelta’. El terceru, dotáu con 100 euros, foi pa David Fernández Fernández por ‘La espera interminable’.
 
La Oficina de Normalización Llingüística d’esti conceyu de la cuenca’l Nalón entama esti concursu de narraciones curties que cuenta con una ayuda económica de la Conceyalía de Cultura y Turismu.

Contador Estadistiques