Pablo Carreño incorpora'l tornéu Tenis Playa de Lluanco al so palmarés

|
Pablo Carreño ganador XXXV Tenis Playa Lluanco

El xixonés derrotó a Feliciano López na final y al lituanu Edas Butvilas en semifinales.

Yera'l gran favoritu y nun defraudó a la so afición. Pablo Carreño llevó'l Torneo Herrero Brigantina-Tenis Playa de Luanco Memorial Manolo Galé na so cuarta participación na competición –les anteriores foron nel 2007, 2008 y 2010–, relevando asina nel palmarés a Tommy Robredo, ganador últimu nel 2013 que llegó a semifinales na competición, onde se vio superáu por López por 6-4 y 6-4.

El toledanu volvía asina a una final en Lluanco 15 años depués, la so tercera nel tornéu, sumando una derrota nel 2005 con Fernando Verdasco y una victoria nel 2007 sobre Félix Mantilla. Nun pudo nesta ocasión con Carreño, qu'en dicho 2007 yera cadete.

El tenista formáu nel Grupo nun tuvo un partíu fácil na pista instalada nuna playa de La Ribera coles graes enllenes magar la so victoria por 6-4 y 6-2. Enantes, en semifinales, superara a Butvilas nel so choque más duru, l'únicu d'esta edición, la trentena quinta, en llegar a 3 sets: 6-3, 5-7 y 10-2 nel desempate.

Na imaxe, Carreño celebra'l trunfu en Lluanco.

Contador Estadistiques