Ovidio abre la puerte a la reforma estatutaria

El presidente de los populares asturianos nun pieslla la puerte a una posible reforma del estatutu d'autonomía d'Asturies. Ovidio Sánchez declaró ayeri dempués d'asistir a una executiva del PP en Madrid que la so opción política taría dimpuesta a negociar una reforma estatututaria col PSOE, anque nun la ve necesaria nesti momentu.

Sánchez esplicó que la reforma tendríen de pilotala les dos fuerces mayoritaries n'Asturies y dixo que la reforma tendría de centrase en meyorar los servicios qu'ufierta l'autonomía más que n'afondar nel autogobiernu, cuestión que da por completada. La reforma estatutaria tendría de facese siempre acordies col marcu constitucional y, amás, tendría de mirar con munchu precuru pol caltenimientu de la solidaridá ente les rexones. El secretariu xeneral del PP asturianu dixo amás que va ser preciso estudiar l'efectu negativu que pueda tener p'Asturies el cambeu de modelu de financiación del estáu