A la par, opinó que, una vez ETA manifestó'l so apoyu a la declaración de Bruxeles, "rescampla que l'Estáu va tener qu'asumir una xestión política pa construyir un escenariu de soluciones definitives".
  
"Lo primero que quiero tresmitir ye que ye fundamental la nuesa presencia nes elecciones de mayu, non sólo pa superar una realidá de segregación político-ideolóxica que manipula la voluntá de la sociedá vasca y el so marcu institucional, sinón fundamentalmente pa tratar la irreversibilidá del procesu democráticu col conxuntu d'axentes políticos y sociales", diz Otegi nesta entrevista concedida antes de conocese l'altu'l fueu decretáu por ETA y recoyida por Europa Press.
  
Anque tovía nun se conocía esa declaración de tregua "xeneral permanente y verificable" nel momentu de contestar la entrevista, Otegi mostrábase confiáu de que la banda daría respuesta positiva a la Declaración de Bruxeles y añade que, una vez esto se produza, "rescampla que l'Estáu va tener qu'asumir una xestión política pa construyir un escenariu de soluciones definitives".  
  
Optimista
Defínese "optimista", pero matiza que "eso nun significa nun ser consciente de les enormes dificultaes y torgues que va haber que superar". Nesti puntu alerta "a los sectores que con honestidá y bona voluntá siguen creyendo que tal o cual compromisu qu'adopte ETA (por exemplu cola Declaración de Bruxeles, cosa que nun lo duda va asoceder) va conllevar automáticamente un cambiu sustancial de la estratexa del Estáu, que tal ecuación nun va ser llinia".

"El procesu de soluciones ye un procesu que tien de ser propiedá de toos, y toos tenemos que coparticipar nel mesmu. Eso sí, va ser la sociedá vasca l'únicu garante y protagonista real de poder llevar el mesmu a bon términu", precisa.
  
Preguntáu sobre si la izquierda abertzale varió la so visión de la llucha armada" respuende: "nun conocí nunca militantes más autocríticos o críticos cola llucha armada -por exemplu en términos de la so conveniencia, de la so aportación real al procesu y hasta en términos éticos- que los mesmos militantes d'ETA. Créame, ¡nunca! Asina vuelvo repitilo: los retos del procesu de lliberación nacional y social güei esixen, como bien recueye la ponencia 'Zutik Euskal Herria', nuevos instrumentos organizativos", llega a dicir. "La sociedá tien que dase cuenta de la falsedá y cinismu de munchos discursos, de munchos líderes políticos qu'esixen condenes a la izquierda abertzale cuando nun fueron tovía a condenar el franquismu", defende.
  
Sigla llegal
Coles mesmes, cuestionáu sobre'l preciu a pagar por tener "una sigla llegal" espón "dos coses": "el preciu por exemplu d'aceptar les condiciones de la Llei de Partíos ye insignificante si se compara col preciu que pagaría'l nuesu pueblu si nun tamos nes meyores condiciones p'avanzar nel procesu de lliberación nacional. Y de segundes, hai un únicu preciu que nun pagaríamos nunca: renunciar a la llucha por conquistar una Euskal Herria independiente y socialista".
  
Nesi sen, calca na necesidá de disponer d'una sigla llegal: "¿precisamos tar n'igualdá de condiciones que'l restu de les formaciones polítiques? ¿Precisamos dotamos d'instrumentos organizativos que mos permitan encuadrar a los sectores más concenciaos y combativos del pueblu trabayador? ¿Precisamos tar presentes na llucha institucional? ¿Y nel desarrollu de la llucha de mases?... Y la respuesta ye sí, sin duda".

Nueva estratexa, mesmos oxetivos
"Los tiempos actuales esixen la superación definitiva d'un ciclu político-militar y la so sustitución por una estratexa d'organización, acumulación y llucha puramente democrática. Nueva fase, nueva estratexa, nuevos instrumentos y mesmos oxetivos. Ésa ye l'apuesta yá en marcha", afirma, na que ye la so tercer entrevista dende prisión burlando los controles d'Instituciones Penitenciaries tres les yá publicaes por El País y The Wall Street Journal.
  
Reivindica "la presencia d'observadores internacionales". "Permite treslladar la confrontación d'idees y propuestes a un escenariu y a un espaciu onde les nueses posiciones son infinitamente más poderoses que les del Estáu, simplemente porque amás de razonables son escrupulosamente democrátiques. Poro, el despreciu que manifiesten dellos sectores con al respecto de la so presencia ye directamente proporcional a la so debilidá política", argumenta.
  
Al pregunta-y sobre si yera necesariu l'acuerdu con EA, el líder abertzale respuende diciendo que "les contradicciones de carácter de clase, o otres na política d'aliances, tienen que xestionase y resolvese con intelixencia, sin que les cañes torguen en nengún casu ver el monte". Califica como "necesario" favorecer "una alianza amplia de sectores que van dende'l socialismu a la socialdemocracia algamando a comunistes, sectores cristianos de base...".
  
Crítiques al PNV y PSOE
N'otru puntu de la entrevista, Otegi acusa al PNV de ser "corresponsable de la brutal política de recortes sociales del Gobiernu, y actuando como si fuera un voceru del Ministeriu d'Interior, no referente a les valoraciones al respecto de les posiciones de la izquierda abertzale". "El señor Urkullu miente cuando diz que nun ta convidáu a conformar esa alianza, o al Acuerdu de Gernika: si'l PNV nun ta ye porque decidió nun tar. Y decidiólo porque cree que tovía tien marxe abondo pa desarrollar una política soberanista 'de romería' per un sitiu mientres caltién una ferrial alianza col PSOE (y si se diera'l casu col PP)".
  
Coles mesmes, diz discrepar de la opinión de Zapatero quien, según Gara, "defende que la evolución de la izquierda abertzale ye'l frutu positivu de la estratexa que'l Gobiernu nel anterior procesu".  "Nun comparto esa afirmación, nun siendo si s'entiende nel sen de qu'efectivamente ficimos una auténtica y fonda autocrítica sobre la posición que caltuvimos nel procesu de diálogu anterior, onde cometimos mui graves errores de los qu'estrayimos les pertinentes consecuencies y que nun volveremos cometer nunca más", respuede Otegi a esta cuestión.
  
El dirixente de Batasuna --en prisión dende ochobre del 2009-- presume de que "a día de güei" la base social de la izquierda abertzale "ta absolutamente cohesionada cola nueva estratexa". "Creo sinceramente que les resistencies internes fueron les que prevíamos o hasta atreveríame a dicir que menores", añade. En concreto, al preguntes pol papel xugáu pola izquierda abertzale asegura "sin duda vela asitiada onde esperaba". "Siéntome mui arguyosu del exerciciu d'autocrítica tan honestu que realicemos", almite.
  
Presos
Otegi pasa los sos díes en prisión siguiendo "el conseyu del líder sudafricanu Nelson Mandela: siguir formándonos pa cuando recuperemos la llibertá" y destaca que "el Colectivu de Presos Políticos ye un axente comprometíu col procesu democráticu" y pide que "los axentes políticos, sociales, sindicales" abran "canales oficiales de comunicación cola so interlocución oficial". A esti respecto cree que "la llibertá del conxuntu de los presos políticos tien que tratase nel entamu del procesu de diálogu y negociación, como ámbitu autónomu de negociación ente ETA y l'Estáu, sin esperar a acuerdos políticos de carácter resolutivu".