Os Reises salen en Tormaleo y nel Valledor

Les dos mazcaraes d'iviernu van pidir l'aguilandu esti sábadu nestos llugares.

La d'Ibias tien prevista la so salida a les 9 hores de Villarmeirín, pa depués pasar per Taladriz y Villauril, y finar en Llanelo al rodiu les 11.30 hores. A esta hora, mentes, va ser el turnu d'Os Pequenos Reises nel pobláu de Vilares con mázcares feches por ellos mesmos.

Os Reises del Valledor, nel conceyu d'Ayande, van partir a les 10.30 hores de Villalain, baxar a San Salvador y xubir a Fonteta, onde ta prevista la xinta en comuña. Como novedá, esti añu entámase un concursu de fotografía con un premiu de 150 euros pal primeru y de 50 pal segundu sobre la mazcarada y el so percorríu pela parroquia.